ہندوستان اور پاکستان کسی قسم کی جارحیت کے بجائے تحمل سے کام لیں:امریکہ

واشنگٹن: امریکا نے پاکستان اور بھارت کو ’مزید ملٹری ایکشن‘ سے گریز کرنے پر زور دیا ہے۔بین الاقوامی خبر رساں ادارے کے مطابق امریکی وزیر خارجہ مائیک پومپیو نے پاکستانی اور ہندوستانی وزرائے خارجہ سے ٹیلی فونک گفتگو میں خطے میں جارحیت کم کرنے اور ایک دوسرے کے خلاف مزید ’فوجی ایکشن‘ سے پرہیز کرنے پر زور دیا ہے۔امریکی وزیر خارجہ نے دونوں ممالک کے وزرائے خارجہ سے مزید کہا کہ کسی قسم کی جارحیت کے بجائے تحمل سے کام لیا جائے اور کشیدگی میں اضافہ نہ کریں۔ خطے میں امن اور استحکام کے لیے اپنا اپنا مثبت کردار ادا کریں۔امریکی وزیر خارجہ مائیک پومپیو نے پاکستان اور بھارت کے وزرائے خارجہ کو براہ راست باہمی رابطے رکھنے کی ہدایت کرتے ہوئے کہا کہ اس عمل سے کشیدگی میں کمی ممکن ہوسکے گی۔واضح رہے کہ گزشتہ روز بھارتی طیاروں نے پاکستان کی فضائی حدود کی خلاف ورزی کی کوشش کی تھی جنہیں پاک فضائیہ نے بھاگنے پر مجبور کردیا تھا جب کہ بھارت کے باز نہ آنے پر آج پاکستان نے دو بھارتی طیاروں کو مار گرایا اور ایک پائلٹ کو حراست میں لیا۔

Leave a Reply

Your email address will not be published. Required fields are marked *

Pin It on Pinterest

RSS
Follow by Email
Facebook
Twitter
Pinterest
LinkedIn
Instagram