بی جے پی کے صدرامت شاہ کے بیان پر راجیہ سبھا میں ہنگامہ

xنئی دہلی:آج کل سرخیوں میں رہنے والاآسام میں این آرسی کا معاملہ الجھتا جارہا ہے اور اس معاملہ پر سیاست تیز ہوتی جارہی ہے ۔اسی سلسلہ میں بی جے پی کے قومی صدر امت شاہ نے بھی راجیہ سبھا میں جم کر بولا۔ آسام میں قومی شہری رجسٹر (این آر سی ) پر بھارتیہ جنتا پارٹی کے صدر امت شاہ کے بیان کو لے کر راجیہ سبھا میں آج زبردست شور شرابہ ہوا جس کی وجہ سے ایوان کی کارروائی 12 بجے تک ملتوی کر دی گئی۔چیئرمین ایم ونکیا نائڈو نے صبح میں ضروری دستاویزات ٹیبل پر ركھوانے کے بعد کہا کہ کل ایوان میں این آر سی پر بحث کے دوران کچھ ناخوشگوار واقعات ہوئے اور چیئر کے حقوق پر سوال اٹھائے گئے۔ انہوں نے کہا کہ وہ کسی رکن یا کسی پارٹی کا نام نہیں لینا چاہتے لیکن یہ واضح کرنا چاہتے ہیں کہ ایوان کی کارروائی چلانا اور اس کو ملتوی کرنا چیئرمین کا حق ہے۔اس دوران ایوان میں کانگریس کے ڈپٹی لیڈر آنند شرنا نے سسٹم کا سوال اٹھاتے ہوئے کہا کہ کل کی بحث میں ایک رکن نے سابق وزیر اعظم راجیو گاندھی کے بعد تمام وزرائے اعظم کی توہین کی ہے اور انہیں ’بزدل ‘بتایا ہے۔ اس لئے اس رکن کو ایوان میں معافی مانگنی چاہئے۔اس پر مسٹر نائڈو نے کہا کہ وہ ایوان کی کل کی کارروائی کو دیکھیں گے او مناسب اقدامات کریں گے. تاہم انهوں نے کہا کہ ایوان سے باہر کے واقعات کے لئے وہ ذمہ دار نہیں ہو سکتے

Leave a Reply

Your email address will not be published. Required fields are marked *

Pin It on Pinterest

RSS
Follow by Email
Facebook
Twitter
Pinterest
LinkedIn
Instagram